ياستى بس أنا فى تجارة-
وماله يابنى هو يكتر على ربنا...... ده ربنا قادر على كل شئ -
ياستى ونعم بالله بس اللى بيطلع دكتور لازم يكون فى كلية الطب مش التجارة-
ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-
ياستى التجارة اللى فى الوكالة حاجة واللى فى الكلية حاجة تانية-
ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-
جدى إيه اللى هايخدنى معاه .....ده جدى مات من زمان ياستى-
يامصيبتى عبد الواحد مات..ياحبيبى ياأخويا..مكنش يومك ياسبعى-
ياستى ده ميت من تلتين سنة-
تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة
ياستى حرااام عليكى عايز أذاكر بقى-
يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-
ياستى دبلون إيه..أسمه البكالوريوس-
أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-
خلاص دبلوم دبلوم ياستى ..سيبينى بقى عشان أذاكر -
-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان
ياستى عبير دى معاها أعدادية-
-وماله يابنى ...الراجل مايعبهوش إلا جيبه
راجل ...راجل مين ياستى...عبير دى بنت -
-عبير ...عبير مين ياوله..أنته بتعرف بنات من ورانا
لا إله إلا الله....أبوس رجلك ياستى أرحمينى بقه -
-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى
-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات
صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-
حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -
لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-
خلاص روحى المطبخ ...أهو زمان أمى خلصت الرز-
رز...رزإيه يابنى....هوأنا ليه سنان للمكرونه...أناهطلع البلكونه أحسن-
طب أبقى خلى بالك م الهوى ياستى-
هوى لما يلطشك يا بت يا جذمه انتى-
الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة
قبل ما أكتب أهم حاجة فيها
ياترى أنا كان إسمى إيه؟؟ ياترى كان إسمى إيه؟؟
انا مين انا ليييييييه انا ازااااااى
_________________
انا هجى على نفسى وهبعد يمكن انسى هواك علشان ملقتش راحتى معاك ولا مرة من نفسى
الأحد أكتوبر 25, 2009 3:00 am من طرف solom
» معني الحب
الإثنين مارس 16, 2009 6:46 pm من طرف bosbos
» معني كلمه بحبك؟؟؟؟بالنسبه للولد او البنت
الإثنين مارس 16, 2009 6:41 pm من طرف bosbos
» خلى الديسك توب بتاعك بالجمال والشياكة وثلاثى الابعاد
الثلاثاء فبراير 10, 2009 11:39 pm من طرف bosbos
» مسابقة الامثال الشعبية
الثلاثاء فبراير 10, 2009 11:34 pm من طرف bosbos
» كل شي عن رسول الله (صلى الله علية وسلم) من مولدة وحتى وفا ته
الثلاثاء فبراير 10, 2009 11:32 pm من طرف bosbos
» سر تقطيع البصل بدون بكاء
الثلاثاء فبراير 10, 2009 11:29 pm من طرف bosbos
» كيف تعرف انك في 2009
الثلاثاء فبراير 10, 2009 11:24 pm من طرف bosbos
» امثال شعبية
الثلاثاء فبراير 10, 2009 11:20 pm من طرف bosbos